د ادرک یا زنجبیل روغتیايي ګټې!
که غواړئ په وجود کې مو خراب کولیسټرول ختم شي، نو تر یوې میاشتې ادرک وخورئ.
د نویو طبي څېړنو له مخې ادرک په وجود کې د سوزش ضد ناروغیو لپاره ښه درملنه ده او دا په چټکتیا کولی شي تاسې له یادې ستونزې وژغوري.
د زړه بدوالي لپاره هم ښه نسخه ده، په تېره د هغو میندو لپاره چې حامله وي.
د عضلاتو درد کموي او روزانه خوراک یې ستاسې د کولمو حرکت سره مرسته کوي او په قبض اخته کسان له یادې ناروغۍ ژغورلی شي.
په ټوله کې د طبي ماهرینو سپارښتنه داده چې ادرک د خپلې غذا برخه وګرځوئ او د دې طبي بوټي یا سبزۍ له ګټو برخمن شئ.
