د کندهار – هرات اوسپنیزې کرښې د تفصیلي ډیزاین کارونه پیل شول
د ټولګټو وزارت خبر ورکړی، چې ۲۴۶ میلیونه افغانیو په ارزښت د کندهار – هرات د ۷۳۷ کیلومټره اوسپنیزې کرښې د تفصیلي ډیزاین کارونه پیل شول.
د یاد وزارت د خبر له مخې د دغې پروژې چارې به تر راتلونکو اتو میاشتو بشپړې شي.
بلخوا د اسلامي امارت ویاند مولوي ذبیح الله مجاهد ویلي، د دغې بنسټیزې پروژې په بشپړېدو سره به د افغانستان له لارې ترکمنستان او ایران له پاکستان سره ونښلول شي.
نوموړي دغه پروژه له تجارتي او ټرانزیټي پلوه یو مهم اقتصادي ګام بللی دی.
