کندهار دامان ولسوالۍ کې کډوالو ته ښارګوټی جوړېږي
د کندهار ځايي مسؤلینو خبر ورکړی، چې د عالیقدر امیرالمؤمنین حفظه الله د حکم پر اساس دامان ولسوالۍ کې د ۱۲.۵ میلیونه افغانیو په ارزښت ۷۹۱ کډوالو کورنیو ته ښارګوټی جوړېږي.
دغه ښارګوټی د اسلامي امارت له بودیجې په ۸۶۰ جریبه ځمکه کې جوړېږي.
د کندهار د کور او ښار جوړونې ریاست د انجنیري څانګې امر احسان الله رسنیو ته ویلي، چې د ددې ښارګوټي د جوړنې چارې به تر راتلونکو ۴۵ ورځو پورې بشپړې شي.
دې ښارګوټې کې چې ۷۹۱ کورنۍ به په کې استوګنې شي، ۴ بابه مسجدونه، یوه لویه مرکزي عیدګاه، ۴ پارکونه، د والیبال او کرېکټ لوبغالي، ښوونځی او مدرسه به په کې جوړ شي.
