د لغمان شاهي کانال د جوړېدو چارې پيل شوې
د لغمان شاهي کانال د لومړي فاز اولني لاټ جوړولو چارې د اوبو او انرژۍ وزیر ملا عبدالطیف منصور او یو شمیر نورو مهمو چارواکو په حضور کې پرانېستل شوې.
دغه کانال چې اویا کیلومتره اوږدوالی لري د دوو فازونو په درلودو کولی شي شاوخوا ۲۰ زره هکتاره ځمکه خړوبه کړي.
د یاد کانال د لومړي فاز لومړی لاټ ۶.۶ کیلومټره اوږدوالی لري، چې په څلور برخو کې به بشپړ شي او ۵زره هکټاره ځمکه به خړوبه کړي.
