رئال مادرید د ۱۵م ځل لپاره د اروپا فوټبال لیګ اتلولي وګټله
د رئال مادرید لوبډلې د المان ډورتموند لوبډلې ته په ماتې ورکولو سره د ۱۵م ځل لپاره د اروپا فوټبال اتلانو لیګ سیالیو اتلولي ترلاسه کړه.
د مادرید لوبډلې د دني کارواخال او ویني سیوس په ګول وهلو سره د المان ډورتموند لوبډلې ته د ۲-۰ ګولونو پایلې سره ماتې ورکړه.
د لندن ومبلي سټډیوم کې د کارلو انچلوتي شاګردان بریالي شول، چې د ۱۵م ځل لپاره د اروپا د معتبره لیګ اتلولي وګټي او د دې جام د زیات ګټونکي ریکاډ نور هم پیاوړی کړي.
