میرویس اشرف به درې کاله نور هم د کرېکټ بورډ رئیس وي
د کرېکټ بورډ د عمومي رئیس په توګه د میرویس اشرف کاري نېټه د اسلامي امارت د رئیس الوزرا د حکم په اساس غځېدلې ده.
د افغانستان کرېکټ بورډ په اېکس پاڼه لیکل شوي، د دې حکم له مخې د ښاغلي اشرف کاري نېټه د درېیو کلونو لپاره تمدید شوې ده.
د بورډ د معلوماتو له مخې د افغانستان کرېکټ بورډ د اساس نامې پر اساس د بورډ اجرائیه رئیس نصیب خان کاري موده هم د درېیو کلونو لپاره تمدید شوې ده.
