روسي ټیکنالوژۍ د امریکايي بمونو اغیزمنتیا وننګوله
د روسانو په اړه مشهوره ده چې په ځمکنۍ جګړه کې تر خپل سیال امریکا زړور او څرک دي، خو اوس یې یو نوی پرمختګ هم ثابت کړ.
دا د نوې ټیکنالوژۍ په ډګر کې پر امریکایانو د روسانو هغه برلاسي ده چې وړاندې ګمان کېده، امریکایان ترې مخکې دي.
د رویټرز خبري اژانس د راپور له مخې، هغه لرې واټن وېشونکي توغندي چې امریکا د روسانو پر ضد اوکراین ته ورکړي، د روسانو دفاعي سیسټم خنثی او یا یې هم هدف ته د رسېدو پر وړاندې خنډ شوي دي.
څه موده وړاندې امریکا اوکراین ته د روسیې پر ضد لرې واټن وېشتونکي توغندي ورکړل، څو جګړه کې د کیف برلاسی ثابت کړي.
د نوې ټیکنالوژۍ پر مټ چمتو شويو امریکايي توغندیو دې ناکامۍ د امریکايي متخصصینو خوب الوځولی او اوس یې د بریا لپاره هڅه کوي.
