زرمت ولسوالۍ کې د یو کوچني بند د جوړیدو چارې بشپړې شوې
د پکتیا ولایت رسنیز دفتر خبر ورکوي، چې د دې ولایت په زرمت ولسوالۍ کې د یو کوچني بند د جوړیدو چارو بشپړې او ګټې اخیستې ته وسپارل شو.
د خبرپاڼه په اساس د کلیو بیارغونې او پراختیا وزیر ملا محمد یونس اخندزاده ډاډ ورکړی، چې د یاد وزارت له لوري تر سره کیدونکې پروژې په معیاري ډول د دې وزارت د مسلکي انجینرانو له لوري تر سره کیږي.
دغه بند چې (۸۵) متره اوږدوالی او (۶.۵) متره لوړوالی لري د ټولګټو چارو وزارت له لوري د ۴.۹ میلیونه افغانیو په لګښت جوړ شوی، چې ۱۵ زره متره مکعبه اوبو د ذخیره کیدو ظرفیت لري.
د یادونې وړ ده، چې د دې بند د جوړیدو په چارو کې لسګونو کسانو ته د کار زمینه مساعده شوې وه، چې په بشپړیدو سره به یې د باران روانې اوبه مهار او د ځمکې لاندې اوبو ذخیرې پیاوړې شي.
