د بامیانو د ګنده کوتل پنځه زره ټنه جست پلورل شوي
د کانونو او پټرولیم وزارت خبر ورکوي، چې دبامیانو ولایت د ګنده کوتل پنځه زره ټنه جست یې په یوه کورني شرکت پلورلي دي.
د دې وزارت د خپرپاڼې له مخې، شیخ شهاب الدین دلاور د دغو جستو د پلور پر مهال ویلي، چې د کانونو وزارت په هېواد کې د کانونو په برخه کې د پانګونې لپاره ښه زمینه برابره کړې ده.
نوموړي ټینګار کړی، چې کورني او بهرني پانګوال کولای شي په پوره ډاډ سره د کانونو په برخه کې پانګونه وکړي.
د یادونې وړ ده، چې په دې وروستیو کې ګڼ شمیر بهرني پانګوال د افغانستان په بیلابیلو برخو کې پانګونې ته لېواله شوي.
