د احصایې او معلوماتو ملي ادارې ویلي، د روان ۱۴۰۴ کال د غبرګولي میاشتې په پرتله د چنګاښ میاشت کې د افغانستان په صادراتو کې ۴۹.۹ میلیونه ډالر زیاتوالی راغلی.

یادې ادارې چنګاښ میاشت کې د هېواد د صادراتو ټول ارزښت ۱۰۴ میلیون ډالر  ښودلی، په داسې حال کې چې غبرګولې میاشت بیا دا کچه ۶۳.۱ میلیون ډالرو ته  پورته شوې ده.

همداراز چنګاښ میاشت کې د افغانستان واردات یو میلیارد او ۱۹۱.۱ میلیون ډالرو ته پورته شوي، خو په غبرګولي میاشت کې بیا د وارداتو کچه ۹۳۷.۲ میلیون ډالرو ته رسېده.

دې موده کې تر ټولو ډېر صادرات پاکستان، هند او تاجکستان ته شوي او واردات بیا له ایران چین او پاکستان شوي دي.