د کندهار والي ملا شیرین اخوند په مشرۍ افغان پلاوي اسلام اباد کې د پاکستان د بهرنیو چارو وزیر جلیل عباس جیلاني سره کتلي.

دغه لیدنه چې تېره ورځ اسلام اباد کې د افغانستان او پاکستان د همغږۍ ګډې کمېټې له شپږمې غونډې وروسته ترسره شوې پکې د دوه اړخیزو پر لاتقویت ټینګار شوی.

د پاکستان بهرنیو چارو وزارت په اېکس ټولنیزه پاڼه کاږلي، چې په دې لیدنه کې د دغه وزارت جلیل عباس جیلاني ویلي، چې هېواد یې له افغانستان سره د تعامل  پر دوام او کټورو دوه اړخیزو اړیکو ته ژمن دی.

همدا راز لیدنه کې دواړو لورو ټینګار کړی ، چې باید د تعامل او لوړې سطحې خبرو اترو له لارې د دوه اړخیزو اړیکو لا تقویت ته دوام ورکړل شي.

د یادونې وړ ده ، چې د کندهار والي په مشرۍ افغان پلاوي تېره ورځ اسلام اباد کې د هغږۍ ګډې کمېټې غونډه کې له پاکستاني لوري سره د ډیورڼد کرښې اوږدو کې د احتمالي شخړو پر هواري او د دواړو خواوو ته پرتو ولسونو ته پر اسانتیاوو رامنځته کېدو بحث کړی وو.