د سیاسي مرستیال په مشرۍ د سیاسي کمېسیون ناسته شوې
د ارګ لخوا په دې تړاو په خپره شوې خبرپاڼه کې ویل شوي، چې په دې ناسته کې د هېواد او سیمې پر وروستي وضعیت خبرې شوي او د اسلامي امارت پر کورنیو او بهرنیو پالیسیو مفصل بحث شوی دی.
په ورته مهال خبرپاڼه کې زیاته شوې، چې په دې ناسته کې د کورني سیاست پر مسودې او ځینو موضوعاتو بحث او ځینې پریکړې شوي دي.
په همدې حال کې د ارګ له لوري په دې خبرپاڼه کې ویل شوي، چې د سیاسي کمېسیون په دې غونډه کې په بهر کې له افغان شخصیتونو سره د اړیکو کمېسیون چارې هم ارزول شوي او د لا ښه والي په موخه یې اړوند مسؤولینو ته ځینې سپارښتنې شوي.
