د سټنډرډ ملي اداره وایې، چې د روان کال په عقرب میاشت کې یې د هېواد په بېلابېلو بندرونو کې پر غیرمعیاري نفتي توکو بار نږدې ۷ زره ټانکرونه بیرته ګرځولي دي.

د سټنډرډ ملي ادارې په خپره کړې خبرپاڼه کې ویلي، دې ادارې د هېواد په بېلابېلو بندرونو کې په تیرې عقرب میاشت کې ۶زره ۷۸۳ ټانکره بې کیفیته نفتي توکي له چک او معاینې وروسته له معیار سره د نه برابرېدو له کبله بیرته اړوند هېواد ته مسترد کړي دي.

د سټنډرډ ادارې زیاته کړې، چې په ټول توان هڅه کوي د هېوادوالو د روغتیا او خوندیتوب ترڅنګ د استعمالوونکو د ګټو د خوندیتوب لپاره د بې کیفیته نفتي او نورو خوارکي او غیر خوراکي توکو د واردیدو مخنیوی وکړي.