د ایراني ولسمشر ابراهیم رئیسي په ګډون د هلیکوپټر پېښې د قربانیانو جنازې لمونځ وشو
د جنازې لمونځ د ایران مذهبي مشر ایت الله خامنه یي په امامت وشو.
د ابراهیم رییسي په ګډون پېښه کې د ټولو مړو شویو کسانو جسدونه الوتکه کې له تبریز تهران ته یووړل شول.
د ایراني ولسمشر جسد به سبا پنجشنبه د هغه پلرني ښار مشهد ته انتقال او امام علي رضا زیارت په انګړ کې به خاورو ته وسپارل شي.
د ابراهیم رییسي جنازه کې د ګډون لپاره د رئیس الوزرا اقتصادي مرستیال ملا عبدالغني برادر، بهرنیو چارو سرپرست وزیر امیر خان متقي هم ورغلي دي.
د حماس مشراسماعیل هنیه سربیره دنړۍ یو شمیر هېوادونو چارواکي په دغو مراسمو کې د ګډون لپاره تهران ته تللي دي.
