د اسلامي امارت ویاند مولوي ذبیح الله مجاهد د چین ولسمشر له لوري د اسلامي امارت سفیر باورلیک منلو په اړه ویلي، چې بیجینګ رسما له اوسني حکومت سره تعامل پیل کړی دی.

ښاغلي مجاهد د اېکس خواله رسنۍ په یوه سپېس کې د چین له دغې اقدام څخه هرکلی کړی په خبره یي، چین هم د نورو هېوادونو په څېر د افغانستان حکومت په رسمیت منلی دی.

نوموړي زیاته کړې، د باورونو برعکس اسلامي امارت ورځ په ورځ لاسته راوړنې ترلاسه کوي او نړۍ کې مطرح کېږي.

دا په داسې حال کې ده چې د چین ولسمشر شي جینګ پینګ تېره ورځ د یو لړ ځانګړو مراسمو په ترڅ کې په چین کې د اسلامي امارت ځانګړي استازي او سفیر په توګه د مولوي اسدالله بلال کریمي باورلیک ومانه.