سهیل شاهین د بريتانیې سفارت چارسمبالي سره کتلي
په قطر کې د اسلامي امارت سیاسي دفتر مشر سهیل شاهین په دوحه کې د افغانستان لپاره د بريتانیې سفارت له چارسمبالي رابرټ ډیکسن سره کتلې او پر دوه اړخیزو اړیکو غږېدلي.
سهیل شاهین په خپله اېکس پاڼه ویلي، په دې کتنه کې یې په دوحه کې د افغانستان په اړه د جوړېدونکې غونډې په اړه هم خبرې کړې دي.
ټاکل شوې د افغانستان په اړه د دوحې کې ناسته به د فبروري په ۱۸مه او ۱۹مه نېټه ترسره شي.
