پروان کې د ټرافیکي پیښې له امله ۴ کسانو ته مرګژوبله اوښتې
د پروان ولایت د والي ویاند په خپله اېکس پاڼه لیکلي، چې تیره ورځ ماښام مهال ددې ولایت د سیاه ګرد ولسوالۍ په چهاردې سیمه کې د ټرافیکي پیښې له امله ۳ تنه وژل شوي او یو بل ټپي دی.
ښاغلي حکمت شمیم لیکلي، چې د یو موټر او موټر سایکل د ټکر له امله پر موټرسایکل سپاره درې کسان وژل شوي او په موټر کې ټپي شوی کس د مسئولینو له لوري ولایتي روغتون ته انتقال شوی دی.
د یادونې وړ ده، چې په وروستیو کې د هیواد په ډیريو لویو او فرعي لارو کې د ټرافیکي پېښو کچه زیاته شوې، چې له امله یې هر ورځ په لسګونو کسانو ته مرګژوبله اوړي.
