اير العربيه هوايي شرکت کابل ته الوتنې پیل کړې
ایر العربیه نړېوال هوايي شرکت کابل هوايي ډګر ته الوتنې پیل کړې.
د افغانستان ټرانسپورټ او هوايي چلند وزارت خبر ورکړی، چې ایر العربیه شرکت لومړۍ الوتنه نن چهارشنبه کابل نړېوال هوايي ډګر ته ترسره کړه.
د دې وزارت په خبره، چې له دې وروسته به یاد نړېوال هوايي شرکت په عادي ډول هر ورځ د شارجې او کابل ترمنځ یوه الوتنه کوي.
د وزارت مسؤلینو په خبره، چې د دې الوتنو پیل سره به مسافرو ته لا اسانتیاوې رامنځته شي.
د یادونې وړ ده، چې څه موده وړاندې فلای دوبی نړېوال هوايي شرکت هم کابل ته الوتنې پیل کړې وې.
