روان کال د ښځو په ګډون تر ۱۰۰ زره زیات کسان پر دندو ګمارل شوي
د کار ټولنیزو چارو وزارت ویلي، چې د ۱۴۰۲ لمریز کال له پیل او د قوس میاشتې تر پایه ۱ لک ۹ زره ۸۲۴ کسان په بیلابیلو دولتي او خصوصي برخو کې پر دندو ګمال شوي دي.
د یاد وزارت د خبرپاڼې له مخې دغه کسان چې په بیلابیلو برخو کې ګمارل شوي یواځې ۲۶ زره او ۳۲۶ تنه یې ښځې دي.
په ورته مهال د کار ټولنیزو چارو وزارت په خبرپاڼه کې زیاته شوې، چې روان کال ۱ زر ۴۸۹ خارجي وګړو ته هم د کار کولو جوازونه ورکړل شوي دي.
