غزه کې د لوږې او خوارځواکۍ له کبله د شهیدانو شمېر ۲۸۱تنو ته ورسېد
د غزې روغتیا وزارت تازه راپور ورکړی، چې تېرو ۲۴ساعتونو کې د لوږې او خوارځواکۍ له کبله د دوو ماشومانو په ګډون اته تنه شهیدان شوي.
یاد وزارت ویلي، له دې سره د لوږې او خوارځواکۍ له کبله د شهیدانو شمېر ۲۸۱تنو له لوړ شو، چې ۱۱۴تنه یې ماشومان دي.
د غزې روغتیا وزارت داسې مهال دغه راپور ورکړی، چې تر دې وړاندې الجزیرې په خپل راپور کې ویلي و، چې غزه کې تر یو میلیون زیات ماشومان له سختې لوږې سره مخ دي.
د یادولو ده چې د شدیدې لوږې تر څنګ د اسرائیلو صهیونیستي رژیم د غزې بشپړ نیولو په موخه هلته عملیات هم پیل کړي دي
