د دغو بریدونو په غبرګون اروپا او انګلسنان کې روسي سفیران احضار شوي دي.

د توغندیو او ډرون دا پراخ بریدونه نن سهار د اوکراین په پلازمېنه کیف شوي چې له امله یې لږ تر لږه ۱۸ کسان وژل شوي او ګڼ نور ټپیان دي. 

دا بریدونه وروستیو میاشتو کې تر ټولو مرګوني بلل شوي دي.

رویټرز خبري آژانس خبر ورکړی چې تازه بریدونو کې د اروپایي اتحادیې او بریتانیا د استازولیو ودانۍ هم زیانمنې شوې دي، خو تر اوسه د دغو دفترونو د کارکوونکو د احتمالي مرګ‌ژوبلې په اړه څه نه دي ویل شوي.

د اوکرایني چارواکو په وینا، روسیې ۳۱ توغندي د کیف پر لور توغولي، چې هدف یې "مهمو زیربنایي تأسیساتو" ته زیان رسول و.