د امریکا دوه ستر مخالفین د چین په کوربتوب ناسته کوي

د امریکا دوه ستر مخالفین د چین په کوربتوب ناسته کوي نړۍ
چین ته د روسیې او شمالي کوریا مشرانو سفر

د چین بهرنیو چارو وزارت ویلي، راتلونکې اونۍ به د امریکا دوه ستر مخالفین کیم جونګ اون او د روسیې ولسمشر ویلادیمیر پوټین چین ته سفر وکړي.

د چین بهرنیو چارو وزارت ظاهراً د دغه سفر موخه د چین بریا ورځې په مناسبت پوځي پریډ کې د پوټین او کیم جونګ اون ګډون ښودلی دی.

دغه پوځي پرېډ د چین او جاپان او دویم نړیوال جنګ پای د ۸۰یمې کالیزې په مناسبت ترسره کیږي، چې د چین تر ټولو ستر پوځي مراسم دي.

کیم جونګ اون په لومړي ځل د نړۍ نورو رهبرانو ترڅنګ نړیوالو مراسمو کې ګډون کوي.

د یادوني ده، چې یادو مراسمو ته د نړۍ ۲۶هېوادونو مشران وربلل شوي دي.

تړلي موضوعات