وروسته له هغې چې په ټولنیزو رسنیو کې یوه ویډیو خپره شوه چې پکې یو پاکستانی افسر پېښور کې د افغان مېرمنو او د افغانستان پاسپورت توهین کوي نوموړی افسر له خپلې دندې ګوښه شوی.

پاکستاني رسنیو خبر ورکړی دا اقدام تورخم کې د افغان سرقونسل حافظ محب‌الله شاکر د هڅو په پایله کې ترسره شوی.

د پاکستان د فدرال تحقیقاتو ادارې (FIA) ویاند ویلي، چې دغه افسر احتشام‌الحق نومېږي او دا مهال ترې د پېښې په تړاو پلټنې روانې دي.

ایف ای اې یا فیدرال تحقیقاتو ادارې ویلي، د مسافرو لپاره د معیاري او باکیفیته خدماتو وړاندې کولو ته ژمنه ده او هېڅ ډول سرغړونه، له واک  ناوړه استفاده یا د کارکوونکو له خوا بد چلن ته اجازه نه ورکوي.