د افغانستان دفاع وزارت د پاکستان وروستیو بریدونو ته د ظلم او وحشت نوم ورکړی او ویلي یې دي، دا ډول اقدامات دواړو لوریو ترمنځ د کرکې سبب ګرځي.

د افغانستان دفاع وزارت له لوري همدې بریدونو ته په غبرګون خپره شوې اعلامیه کې راغلي، دا ډول کړنې د هیچا په ګټه نه دي، بلکې د دواړو ولسونو ترمنځ واټن زیاتوي.

دافغانستان دفاع وزارت د دغو بریدونو په اړه دومره ویلي، دا ډول بې مسوولیته کړنې به عواقب ولري.

افغانستان چې له انګریزي ښکیلاک بیا د پخواني شوروي اتحاد او همدا څلور کاله وړاندې د امریکا او ناټو پر وړاندې د جګړې ګټلو پخه تجربه لري، پاکستان په څېر هېواد پر ضد جګړې ته د یو کمزوري او نرم هدف په سترګه ګوري، خو هغه څه چې تر یو بریده یې د افغانانو لاس تړلي هغه د پولې هغې خواته پراته خپل ولسونه دي.