پاکستان کې وسله وال برید؛ ۲۷ تنو ته مرګ ژوبله اوښتې
نامعلومو وسله والو په پاکستان کې د ډبرو سکرو پر یوه کان برید کړی، چې له امله یې ۲۰ تنو خپل ژوند له لاسه ورکړی.
پاکستاني رسنۍ وایي، چې دې برید کې ۷ تنه نور ټپیان شوي هم دي.
ډان نیوز وایي دا برید تېره شپه ناوخته د پاکستان د بلوچستان ایالت په ډاکي سیمه کې شوی دی.
ویل کېږي تر اوسه د ولسوالۍ روغتون ته شل جسدونه او شپږ ټپيان ور وړل شوي دي.
د یادونې وړ ده، چې وروستیو کې پاکستان کې پر کورنیو او بهرنیو پانګوالو او د کانونو پر کارکوونکو وسلوال بریدونه زیات شوي دي؛ چې شنونکي یې پاکستان اقتصاد ته لوی زیان بولي.
