په بدخشان ولایت کې د ۲۰ میلیونه افغانیو په لګښت د اقصی په نوم د جومات جوړولو چارې بشپړې شوې دي او د لمونځ کوونکو پر مخ پرانېستل شوی دی.

د دې ولایت ځايي مسؤلین وايي، چې د دې جومات جوړولو چارې له دوو کلونو راهیسې پیل شوې وې، چې په دوو پوړونو کې په اساسي او ښکلې بڼه جوړ شوی دی.

مسؤلین زیاتوي، چې دا مسجد د بدخشان ولایت راغ سیمه کې جوړشوی، چې د څلور زره لمونځ کوونکو ځای کېدو ظرفیت لري.

د یادونې وړ ده، چې دا جومات د فلسطیني مسلمانانو د ملاتړ په موخه جوړ شوی، چې تر دې وړاندې  «قبة الصخرة» ته ورته مسجدونه په کابل کمپنۍ، کابل وزیر اکبرخان پر غونډۍ او لغمان ولایت کې هم جوړ شوي وو.