د سوداګرۍ او پانګونې خونې مسئولینو نن سه شنبه کابل کې د یوه خبري کنفرانس پر مهال ویلي، اسلامي امارت په اوړو، غنمو، غوړیو، بورې، تېل او مایع ګازو تر ۹۶ سلنه مالیه کمه کړې.

د سوداګرۍ او پانګونې خونې مرستیال محمدیونس مهمند ویلي، د دوی تر وړاندیز وروسته د ریاست الوزراء اقتصادي کمېسیون د یو میلیون په ارزښت پر وارداتي اوړو، غنمو او غوړیو ۱۰۰۰ افغانۍ او د یو میلیون افغانیو په ارزښت پر وارداتي بورې، تېلو او مایع ګازو ۱۵۰۰ افغانۍ مالیه وضع کړې ده.

ښاغلي مهمند د حکومت له دغې پرېکړې د هرکلي ترڅنګ ویلي، ټاکل شوې مالیه د تېر په پرتله د پام وړ کمښت لري.

بلخوا بیا هېوادوال د مالیې تر کمېدو وروسته له سوداګرو او هټۍوالو د لومړنیو خوراکي توکو بیو ټیټولو غوښتنه کوي.