د کورنیو چارو وزارت تازه خبر ورکړی، چې کوچنی اختر د هېواد ګوټ ګوټ کې د امن په فضا کې لمانځل شوی دی.

کورنیو چارو وزارت وايي، چې د هېواد ملي پولیسو د نورو امنیتي ځواکونو سره په ګډه د هېواد په جوماتونو، عمومي سیمو او تفریحي ځایونو کې امنیت په سم ډول نیولی و او له نېکه مرغه د اختر په درېیو ورځو کې هیڅ امنیتي پېښه نه ده رامنځته شوې.

وزارت زیاته کړې، چې ولسونو هم د هېواد په ګوټ ګوټ کې د روژې مبارکې میاشتې او اختر په ورځو کې د امنیتي ځواکونو د امنیت نیولو له امله مننه کړې.

د یادونې وړ ده، چې د افغانستان اسلامي امارت بیا حاکمیت را وروسته د هېواد اخترونه او د خوښۍ مراسم په پوره امن فضا کې لمانځل کېږي او ولسونه یې تود هرکلی کوي.