کابل کې د ټرانسپورټي ترمینل د رغونې چارې پیل شوې
د کابل پغمان ولسوالۍ ارغندۍ ترانسپورټي ترمینل د پیل مراسم چې نن یکشنبه جوړ شوي و پکې ګڼو چارواکو ګډون درلود.
په مراسمو کې د ریاست الوزراء اقتصادي مرستیال ملا عبدالغني برادر اخوند ویلي، د ترانسپورټي زېربناوو معیاري رغول او پراخول د یو هېواد د اقتصادي ودې، پرمختګ او د کورني او سیمه ییز اتصال لپاره ډېر مهم او بنسټیز ګام ګڼل کېږي.
د کابل ولایت د ارغندۍ ترانسپورټي ترمینل په شاوخوا ۹۰۰ جریبه ځمکه کې د یو میلیارد او ۲۸۵ میلیونو افغانیو په لګښت جوړېږي چارې به یې د خصوصي سکټور له لوري په دوو کلونو کې بشپړې شي.
اقتصادي معاونیت وايي، د دغه ترمینل په جوړېدو سره به ترانسپورټي اسانتیاوې زیاتېدو سربېره به ترانسپورټي لګښتونه او ترافیکي ستونزې را کمې شي.
