د عامې روغتیا وزیر: د نوې روغتیایي ستراتیژۍ د جوړېدو چارې روانې دي
د عامې روغتیا وزیر مولوي نور جلال جلالي د عامې روغتیا سکتور تمویلوونکو او نړیوالو کاري شریکانو سره د همغږۍ غونډه کې ویلي، د نوې روغتیایي ستراتیژۍ د جوړېدو چارې روانې دي، چې د عامې روغتیا سکتور د تقویې لپاره به حیاتي ارزښت ولري.
ښاغلي جلالي د غوره او باکیفیته خدماتو وړاندې کولو لپاره د سرچینو اغېزمن مدیریت د شفافیت اصل ته ژمنتیا او د فساد پر وړاندې مبارزه د ټولو ګډ مسؤلیت بللی.
د عامې روغتیا وزیر دا هم ویلي، چې له ۲۰۲۶ میلادي کال وروسته به د افغانستان د روغتیایي سکتور لپاره یوه واضحه او اوږد مهاله ستراتیژیکه نقشه موجوده وي.
یاده دې وي، چې د اسلامي امارت په راتګ سره د عامې روغتیا برخه کې روڼ والی د پخوا په پرتله زیات شوی او مسؤلین د خلکو په غوښتنه په دې برخه کې په خصوصي سکټور هم کلک څار کوي.
