نن د ۴۰۰بستریز روغتون د جوړېدو هوکړه لاسلیک کیږي
عامې روغتیا وزارت خبر ورکړی، چې نن چهارشنبه له قطر الخیریه بنسټ سره د ۴۰۰بستریز روغتون د جوړېدو هوکړه لاسلیک کیږي.
د یاد وزارت ویاند ډاکټر شرافت زمان ویلي، یاد روغتون به د داخلې، ماشومان او ښځو برخو کې خدمات وړاندې کوي.
روغتیا وزارت په دې اړه نور جزیات نه دي ورکړي.
د یادونې ده، چې اسلامي امارت د روغتیایي خدماتو ښه والي او پراختیا لپاره هڅې چټکې کړې، چې تېر کال یې هم د ۷میلیارده افغانیو په ارزښت د هېواد ۳۱۸ ولسوالیو کې د ۳۱۸ عمومي روغتونو د جوړو چارې پیل کړې.
