شپږ میاشتو کې د څه باندې ۴۲زره روږدو درملنه شوې
عامې روغتیا وزارت وایي، له تېرو شپږ میاشتو راهېسې یې ټول هېواد کې د ۴۲زره ۶۸۳تنه روږدو درملنه کړې.
د یاد وزارت په خبرپاڼه کې راغلي، له دې ډلې یې ۹۵۷ ښځې دي.
خبرپاڼه کې راغلي، هېواد کې د روږدو درملنې ۷۰ ځانګړي روغتونونه فعال دي، چې نږدې ۳زره روغتیایي کارکوونکي د روږدو په درملنه بوخت دي.
د یادونې ده، چې ټول هېواد کې د روږدو درملنې پروسه دوام لري د روغتیا وزارت مسئولین وایي، زرګونه تنه له درملنې وروسته بېرته خپل عادي ژوند ته راګرځېدلي دي.
