کابل کې د سرې میاشتې مرکزي روغتون کې د یادې ټولنې په همغږۍ د ملک سلمان خیریه بنسټ په مالي ملاتړ د سترګو د پردو ناروغانو د درملنې او جراحي عملیاتو پنځه ورځنۍ وړیا پروسه پیل شوه.

د افغاني سرې میاشتې ټولنې رئیس شیخ شهاب الدین دلاور دغه اقدام د بېوزلو او اړمنو هېوادوالو د درملنې برخه کې ارزښتمن او اغېزمن ګام بللی.

ټاکل شوې چې د دې پروسې له لارې به ۴۰۰ ناروغانو ته د کتنې، درملنې او جراحي عملیاتو ترڅنګ د سترګو د کمزورۍ لپاره عینکي هم ورکړل شي.

د یادونې ده، چې نږدې ورځو کې به ۴۰۰ تنو ناروغانو ته په ننګرهار او ۴۰۰ نور ته بیا کندهار کې د سترګو د پردو عملیاتونه ترسره شي.