د عامې روغتیا وزیر مولوي نور جلال جلالي د اسلامي همکاریو سازمان سفیر محمد سعید العیاش سره کتنه کې ویلي، روغتیایي خدماتو ته لاسرسی د خلکو حق دی په خبره یې، دا برخه  باید له سیاست لرې وساتل شي.

 ښاغلي جلالي کابل کې د اسلامي همکاریو سازمان دغه لوړپوړي چارواکي سره کتنه کې د یاد بنسټ رول ارزښتناک بللی او زیاته کړې یې ده، چې یاد سازمان باید د روغتیا په برخه کې د افغان ولس اړتیا له نړۍ سره شریکه کړي.

 د اسلامي همکاریو سازمان استازي هم د اړیکو پیاوړتیا تر څنګ په افغانستان کې د روغتیايي سیسټم پراختیا او ملاتړ په موخه د همکارۍ ژمنه کړې.

 یاده دې وي، چې اسلامي امارت د نړیوالو مرستو تر څنګ د خپلې داخلي بودیجې څخه په استفادې د روغتیایي سیسټم پراختیا او معیاري کولو لپاره هڅې ګړندۍ کړي.