د ټرانسپورټ او هوایي چلند وزیر ملا حمیدالله اخندزاده کابل کې د قرغزستان سفیر تورداکون سیدیکوف سره کتنه کې د دوه اړخیزو ټرانسپورټي، ټرانزیټي اړیکو پر پیاوړتیا او دواړو هېوادونو ترمنځ د سوداګریزو توکو لېږد رالېږد پر زیاتوالي خبرې کړي.

ښاغلي اخندزاده ویلي، اسلامي امارت له ټولو ځمکنیو او هوایي ټرانسپورټي تاسیساتو په ګټې اخیستنې قرغزستان سره د ټرانسپورټي او ټرانزیټي اړیکو پراختیا لپاره بشپړ چمتو او همکار دی.

د قرغزستان سفیر هم د بیشکک او کابل ترمنځ ټرانسپورټي اړیکې ارزښتمنې یادې کړې په خبره یې، هېواد یې د دغو اړیکو د پیاوړتیا غوښتونکی دی.

د یادونې ده، چې د قرغزستان له لوري کابل کې د سفارت پرانیستل کېدو وروسته د کابل او بشکک اړیکو نوی فصل پیل شو، چې دا مهال بېلابېلو برخو کې د دواړو هېوادونو اړیکې لوړې کچې ته رسېدلې دي.