د کابل او باکو ترمنځ پر دوه اړخیزه سوداګرۍ خبرې شوې
اذربایجان کې افغان سفیر دکتور محمد فیصل د دغه هېواد اقتصاد وزارت مرستیال صمد بشیرلي سره کتنه کړې.
په دې کتنه کې پر دوه اړخیزو اقتصادي او سوداگریزو همکاریو، ټرانزیټ او افغان سوداگرو ته د وېزو پر اسانتیاوو خبرې وشوې.
اذربایجان کې د افغانستان سفارت وايي، بشیرلي افغانستان او اذربایجان دوست هېوادونه وبلل او هم يې افغانستان ته د خپل سفر هوډ څرگند کړ.
یاده دې وي، چې اسلامي امارت نورو هېوادونو کې د خپلو سیاسي استازولیو له لارې هڅه کوي، چې د افغان سوداګرو په وړاندې شته خنډونه لرې او په دې برخه کې اسانتیاوې برابرې کړي.
