د پاکستان – چین سوداګرۍ ګډې خونې PCJCCI رئیس ظفر اقبال یوه ناسته کې ویلي، د چین پاکستان اقتصادي کوریډور پروژې CPEC سره د افغانستان یو ځای کېدل به د یاد هېواد په ټولنیز او اقتصادي مسیر کې بدلون راولي.

نوموړي ټینګار کړی، چې افغانستان نور وچه کې ایسار نه دی، ګوادر بندر ته د مرکزي اسیا هېوادونو پاملرنې زیاتېدو سره یاد هېواد سیمه کې په مهم سوداګریز دهلېز بدلېدونکی دی.

یاد پاکستاني چارواکي سیمه‌ ییزې سوداګرۍ او ټرانزیټ نوي نظم کې د افغانستان رول مخ پر ودي یاد کړی، چې دا د افغانستان لپاره بې ساري فرصتونه برابر وي او دغه هېواد منځنۍ اسیا کې د مرکزي او سویلي اسیا ترمنځ د سوداګرۍ په مرکز بدلوي.

اسلامي امارت د اقتصادي محوره سیاست په استفادې تېرو څلور کلونو کې هڅه کړې د سیمې هېوادونو سره سوداګریزې اړیکې پراخې کړي چې اوس یې د نړۍ د سترو  ځواکمنو اقتصادي هېوادونو پام هم ځانته اړولی دی.