هېواد ته د ۱۰۵ ټنه بې کیفیته جوارو د واردېدو مخنیوی شوی
د کرنې اوبو لګولو او مالدارۍ وزارت تورخم ګمرک کې د نباتي قرنطین مدیریت چارواکو له قوله خبر کې ویلي، د یاد بندر مسئولینو پاکستان څخه افغانستان ته د واردېدونکو ۱۰۵ ټنه بې کیفیته جوارو مخنیوی کړی.
په خبر کې راغلي دغه اندازه جوار یې بېرته پاکستاني لوري ته مسترد کړي.
دا لومړي ځل نه دی، چې پاکستان ته بې کیفیته او خراب توکي مستردیږي، تر دې وړاندې هم د تورخم بندر چارواکو په وار وار لسګونه ټنه بې کیفیته کچالو او نور توکي پاکستاني لوري ته بېرته ور ګرځولي او هېواد ته یې د واردېدو مخنیوی کړی.
