د صنعت او سوداګرۍ وزارت خبر ورکړی، چې پنجشېر کې د کورنیو تولیداتو او محصولاتو لپاره د بازارموندنې، ودې، د ملي صنعت دودولو، له کورنیو تولیداتو استفادې ته د خلکو هڅولو، د پانګونې جلب جذب، د سوداګرۍ پراختیا او د هېواد اقتصادي ودې په موخه نندارتون جوړ شو.

یاد نندارتون کې په ۲۰ غرفو کې افغان صنعتکارانو خپل تولیدات او محصولات نندارې ته ايښي دي.

دغه نندارتون به درې ورځې دوام وکړي.

دا په داسې حال کې ده، چې اسلامي امارت د بهرنیو محصولاتو پر ځای له افغاني تولیداتو ګټې اخیستنې او بازار موندنې په موخه د هېواد په ګڼو ولایتونو کې نندارتونونه جوړ کړي.