تسنیم خبري اژانس د ایران پوځي سرچینو له قوله وايي، د اسرائیلو هر حرکت ته به سخت ځواب ورکړل شي.

د ایران پوځي سرچینو خبرداری ورکړی، که اسرائیل د ایران نظامي تاسیسات په نښه کړي نو د دوی غبرګون به حتمي او د صهیونېستانو له اټکل به لوړ وي.

سرچینې زیاته کړې، ایراني چارواکو په روښانه توګه ویلي، که صهیونیستان د ایران اتومي تاسیسات په نښه کړي نو دغه هېواد به کړو ژمنو ته ژمن پاتې نشي.

ایراني امنیتي چارواکي زیاتوي، ایران د جګړې لپاره بېړه نه لري او نه هم د غبرګون په برخه کې دوه زړی کیږي، خو لېونیانو ته به د خپلو اعمالو سزا حتمي ورکوي.

د یادونې وړ ده، چې د امریکا ولسمشر جوبایډن ویلي و، چې اسرائیل به د ایران توغندیز برید بې ځوابه پرېنږدي او زیاته کړې یې وه چې د برید وخت او نښه شوې سیمې ورمعلومې دي.