د حزب الله ډلې بریدونو کې ۱۴ اسراییليان ټپیان شوي
د اسراییلي رسنیو د راپورونو له مخې، دا بریدونه تېره شپه د لبنان حزب الله ډلې د اشغال شوي فلسطین شمال ختیځ سیمې اړوند کریات شمونا ښار کې کړي دي.
د راپورونو له مخې، د دغو توغندیزو بریدونو وروسته سیمه کې پراخه اورلګېدنه شوې، چې صهیونیستي رژیم سیمه کې بېړنی حالت اعلان کړی.
د الجزېرې ټلویزیون راپور ورکړی، د سیمې یو روغتون ته د پېښې له ځایه ۱۴ټپیان ور وړل شوي، چې ۶یې د اشغالګر رژیم پوځيان دي.
کریات شمونا ښار د اشغال شوي فلسطین شمال ختیځ کې له لبنان سره پر پوله سرحدي ښار دی، چې وخت ناوخت پرې د لبنان د حزب الله ډلې له لوري توغندیز بریدونه کیږي.
