میدان وردګو کې د مکروني د تولید کارخونې په کار پیل وکړ
د میدان وردګو ولایت د اطلاعاتو او کلتور ریاست وایي، پر دغې کار خونې ۳۰۰ زره امریکايي ډالر لګښت راغلی دی.
یاد ریاست په خپله اېکس پاڼه ویلي، د یلدا سبا په نوم د مکرونیو دغه کارخونه د ورځې له ۶ تر ۸ ټنو پورې مکروني تولیدوي، چې دمګړۍ ۲۰ تنه کارګرو ته پکې د کار زمینه برابره شوې ده.
سرچینې د یادې کارخونې مسؤل عبدالحلیم سروري له قوله ویلي، په هېواد کې د بشپړ امنیت په راتګ سره یې پانګونې ته زړه ښه کړی.
د یادونې وړ ده، چې تېره اوونۍ هم په میدان وردګو ولایت کې د قلمونو د بسته بندۍ کارخونه د یو میلیون ډالرو په ارزښت پرانېستل شوه.
