د قزاقستان لومړي وزیر مرستیال د افغانستان ملي موزیم څخه لیدنه کړې
د قزاقستان لومړي وزیر مرستیال سریګ ژومانګارین کابل ته د خپل سفر په ترڅ کې د افغانستان له ملي موریم څخه لیدنه کړې ده.
سریګ ژومانګارین ملي موزیم څخه د لیدنې پر مهال ویلي، نن ورځ موزیمونه د هېوادونو د کورنۍ او بهرنۍ پراختیا تر څنګ د نړېوالو اړیکو او همکاریو پراختیا کې مهم رول لري.
نوموړي ویلي، موزیمونه د زده کړې، نوښتګر مهارتونو پیاوړتیا او فرهنګي ځان باورۍ برخه کې د پام وړ رول لري.
ژومانګارین زیاته کړې، نړېوالو تجربو ښودلې موزیمونه د ټولنې د فعالو بنسټونو په توګه د کلتوري میراث برخه کې د عامه پوهاوي لوړولو کې اغېزناک رول لري.
د قزاقستان لومړي وزیر مرستیال د افغان – قزاق ګډ نندراتون د ګډون او افغان چارواکو سره د سوداګریزو او اقتصادي اړیکو پیاوړتیا په موخه کابل ته راغلی دی.
