هندي توکو پر وارداتو د امریکا دوه برابره تعرفه اجرا او پیل شوه
د ولسمشر ټرمپ په مشرۍ د امریکا حکومت په رسمي ډول پر هند وارداتي توکو ګمرکي تعرفه دوه برابره کړه.
رویټرز خبري اژانس راپور ورکړی، چې دغه پرېکړه نن چهارشنبه اجرا او رسما پیل شوه.
که څه هم تراوسه هندي چارواکو تازه څه نه دي ویلي، خو تر دې وړاندې د هند لومړي وزیر نریندرا مودي ویلي، چې د خپلو بزګرانو د لاسونو خواري به هیڅکله هم پر سیند لاهو نه کړي.
د امریکا ولسمشر پر هندې وارداتي توکو ۵۰ سلنې تعرفي لګولو پرېکړه له روسیې د هند نفتو پېرلو د دوام په غبرګون کې کړې ده.
هندې چې وروستیو کلونو کې د امریکا له کلیدي سوداګریزو شریکانو تبدیل کیږي د تعرفو لوړول به د دواړو هېوادونو ترمنځ اقتصادي باور کمزوری کړي.
