د اطلاعات او کلتور وزیر: له فرهنګي میراثونو ساتنه مو لومړيتوب دی
د افغانستان لپاره د ملګرو ملتونو یوناما مشرې روزا اوتنبایوا د اطلاعاتو او کلتور وزیر ملا خیرالله خیرخواه سره لیدنه کړې.
د لیدنې په پیل کې اوتنبایوا د فرهنګي پروګرامونو جوړولو په اړه ټینګار کړی او د افغانستان ملي آرشیف او ملي موزیم د افغانستان د تاریخ او فرهنګ خزانه بللې.
هغې د افغانستان فرهنګي میراثونو د ساتنې په برخه کې یې د اړوندو ادارو د همکاریو په ځانګړې توګه یونسکو په اړه ډاډ ورکړ.
د اطلاعاتو او کلتور وزیر په تېر څلور کلنه دوره کې د اسلامي امارت په لاسته راوړنو رڼا اچولې او زیاته کړې ده، چې د هېواد فرهنګي میراثونو څخه ساتنه د دې وزارت په کاري لومړيتوبونو کې ده او فرهنګي میراثونه یې د بشریت مشترک میراث وباله.
