د ارشاد حج او اوقافو وزیر شیخ الحدیث دوکتور نور محمد ثاقب د یاد وزارت د یو کلنو لاسته راوړنو تشریح پروګرام کې ویلي، د ۱۴۴۶ ه ق کال د حج مراسمو ټول لګښت ۸ میلیارده ۱۶۳میلیونه او ۳۱۲ زره افغانۍ راغلی دی.

ښاغلي ثاقب ویلي، تر څېړنو وروسته دا مالومه شوې چې د حاجیانو ۱۱۵میلیونه افغانۍ اضافه شوې، چې له مخې به یې هر حاجي ته نږدې ۴زره افغانۍ بېرته ورکړل شي.

نوموړي له ټولو حاجیانو غوښتي، چې د خپلو پاتې پیسو د ترلاسه کولو لپاره دې د حج او اوقافو وزارت او ولایتي ریاستونو ته مراجعه وکړي.

د یادونې ده، چې د سږ کال حج مراسمو کې ۳۰ زره افغان حاجیانو ګډون کړی وو.