هېواد کې د زړو قرآنکریمونو د را ټولولو لړۍ پیل شوه

هېواد کې د زړو قرآنکریمونو د را ټولولو لړۍ پیل شوه اسلام او کلتور
انځور ارشیف

د ارشاد، حج او اوقافو وزارت له لوري په ټول هېواد کې د زړو قرآن کریمونو، پارو او دیني کتابونو د راټولولو لړۍ پیل شوه.

یاد وزارت وايي، د دې کار لپاره یوه جامع طرحه جوړه شوې، چې پکې د لسګونو کلونو لپاره د یادو مقدسو اوراقو د ساتلو ټول اړین اړخونه په نظر کې نیول شوي.

وزارت وايي، په ولایتونو کې د خپلو ریاستونو له لوري په ځانګړو جوماتونو کې د همدې کار د ترسراوي په موخه صندوقونه اېښودل کېږي او له هغه ځایه ټاکل شویو ځایونو ته انتقال کېږي.

یاده دې وي، چې دغه پرېکړه دیني مقدساتو او ارزښتونو ته د درناوي په موخه ترسره کېږي چې له عملي کېدو سره به یې د ټول هېواد په کچه په لومړي ځل د زړو قرآن کریمونو، دیني کتابونو او مقدسو اوراقو د ساتنې واحد او منظم جریان رامنځته شي.

تړلي موضوعات