وروسته له هغې چې اسټرلیا د ایران سفیر د شړلو پرېکړه وکړه، ایران یې په غبرګون وویل، نامناسب ډیپلوماټیک اقدام به بې ځوابه پاتې نه شي.

 د اسټرالیا حکومت پر ایران تور پوری کړی، چې د سیډني او ملبورن ښارونو کې د یهودانو ضد لاریون او پېښو کې ایران لاس لري.

 د اسټرلیا لومړي وزیر انټوني البانیزي همدې پېښو او لاریونونو ته په پلمې ایراني سفیر ته څو ورځې وخت ورکړی چې له خاورې یې ووځي.

 البانیزي دا هم ویلي، چې د اسټرالیا په ترهګریزو ډلو کې د ایران د سپاه پاسداران نوم هم شاملوي.

 ایران بهرنیو چارو وزارت ویاند بیا ویلي، لومړی وزیر انټوني البانیزي غواړي له دې لارې بیرته اسرائیلو ته ځان نږدې او د اسرائیلو پر ضد د خپل ولس کرکه پټه کړي.

 د ایران بهرنیو چارو وزارت ویاند اسماعیل بقایي په یوه بیان کې د اسټرالیا هېواد له لوري دا ډول تورونه رد کړي او زیاته کړې یي ده، چې په ډیپلوماټیکه کچه هر ډول نامناسب او غیر عادلانه اقدام به متقابل غبرګون ولري.