د امریکا ولسمشر ډونالډ ټرمپ یو ځل بیا ویلي، د غزې جګړه به تر راتلونکو دوو یا درې اونیو پای ته ورسیږي.

ټرمپ دغه څرګندونې د سویلي کوریا ولسمشر لي جې میونګ سره د کتنې پر مهال کړې دي.

ټرمپ ویلي، فکر کوي نړۍ به تر راتلونکو دوو او یا درې اونیو به غزه کې د یو نسبتا ښه او قاطع پای ووینې.

ټرمپ داسې مهال تر راتلونکو  درې اونیو د غزې جګړې د پای خبره کړې، چې کابو درې میاشتې وړاندې یې هم د حماس او صهیونیستي رژیم پلاوو ترمنځ د اوربند خبرو له پيل سره سم ویلي و، چې د غزې جګړې به تر راتلونکې یوې اونۍ پای ومومي، خو جګړه نه یوازې ونه درېده، بلکې نور هم خونړۍ او ان اشغالګر رژیم د غزې بشپړ اشغال عملیات پیل کړل.

ډونالډ ټرمپ وخت ناوخت د غزې جګړې د درېدو په اړه خبرې کوي، خو په عمل کې بیا کیسه برعکس ده، هغه دا چې اسرائیل لا هم د امریکا په بشپړ سیاسي او نظامي ملاتړ غزه کې نسل وژنې ته دوام ورکوي.