د اوکرایین بې پیلوټه الوتکو د روسیې په اټومي بټۍ بریدونه کړې، چې له کبله یې اورلګېدنه رامنځته شوې.

رویټرز خبري اژانس د روسي چارواکو له قوله ویلي، اوکرایین پرون یکشنبه د روسیې پر لور د ۹۵ ډرون بریدونو هڅه کړې.

روسي چارواکو اورلګېدنه او اوښتی زیان قوي بللی خو د وړانګو خپرېدو په اړه یې څه نه دي ویلي.

هاخوا بیا د اټومي انرژۍ نړېوال اژانس دې پېښې ته په غبرګون ویلي، دوی هلته له اور لګېدنې خبر شوي خو ټینګار یې کړی، چې د اټومي توکو خوندیتوب ته دې کلک پام وشي.

سرچینې ویلي، اټومي بټۍ په کرسک کې په نښه شوې دا ځای اوکرایین ته په ۶۰ کیلومترۍ کې پروت دی.

دا بریدونه په داسې حال کې شوي، چې اوکراین له پخواني شوروي اتحاد څخه د خپلواکۍ ۳۴مه کالیزه نمانځله.